Pas publikimit ditën e djeshme të ekspertizës mjeko-ligjore për vdekjen e Enea Ftoit, ku thuhej se humbja e jetës nuk kishte ardhur nga dhuna, sot ka reaguar dhe prokuroria e Korçës.
Ajo ka akuzuar efektivët e Komisariatit të Korçës, për mosdhënie ndihme ndaj 27-vjeçarit, çka humbi jetën në qeli 1 muaj më parë. Fakti, që 27-vjeçari nuk ka vdekur nga dhuna, nuk do të thotë, që policia nuk ka përgjegjësi penale për vdekjen e tij. Gazeta Shqiptare mëson se edhe pas daljes së ekspertizës mjeko-ligjore, hetimet vijojnë.
Tre efektivë të policisë sipas prokurorisë e kanë të lënë të vdiste Enea Ftoin, duke mos i dhënë ndihmën e nevojshme, nisur nga fakti se kishte shfaqur probleme shëndetësore gjate dy ditëve te qëndrimit në ambientet e Komisariatit.
Prokuroria ka grumbulluar provat e nevojshme që tre policët nuk i kanë dhënë ndihmën që Enea Ftoi të shpëtonte dhe pritet t’i vërë nën akuzë ata.
